“Atletiko” klubu braziliyalı müdafiəçini heyətinə qatıb

İspaniyanın “Atletiko” klubu braziliyalı futbolçu Qabriel Paulistanı heyətinə qatıb.

“QELEBE.AZ” xəbər verir ki, Madrid təmsilçisi rəsmi saytı vasitəsilə mərkəz müdafiəçisinin keçidini açıqlayıb.

La Liqanın digər təmsilçisi “Valensiya”dan ayrılan 33 yaşlı oyunçu paytaxt klubu ilə 6 aylıq müqavilə bağlayıb. O, yeni komandasında 4 nömrəli formanı geyinəcək.

Qeyd edək ki, 2017-ci ildən “Valensiya”nın uğurları üçün çalışan Qabriel Paulista daha əvvəl “Vitoriya” (Braziliya), “Vilyarreal” (İspaniya) və “Arsenal”da (İngiltərə) çıxış edib.