"Qarabağ" Belçika klubuna cavab verib

"Qarabağ" Bakıda UEFA Konfrans Liqasının pley-off mərhələsinin ilk oyununda 1:0 hesabı ilə məğlub etdiyi Belçika "Gent"inin paylaşımına cavab verib.

"Report" xəbər verir ki, bununla bağlı post paylaşan Ağdam təmsilçisi isti münasibətə, alicənablığa və baxımlı oyuna görə qonaq komandaya təşəkkür edib.

Qeyd edək ki, komandalar arasında cavab qarşılaşması fevralın 23-də Belçikada olacaq.

Belçika "Gent"i UEFA Konfrans Liqasının pley-off mərhələsinin ilk oyunundan sonra "Qarabağ"a təşəkkür edib.

"Report"un məlumatına görə, bununla bağlı klubun sosial şəbəkə hesablarından paylaşım olunub.

"Bizi qəbul etdiyiniz üçün təşəkkürlər, "Qarabağ". Gözəl şəhər, sevimli insanlar, möhtəşəm oyun. Gələn həftə görüşənədək", - postda bildirilib.

Qeyd edək ki, "Qarabağ" - "Gent" matçı Ağdam təmsilçisinin 1:0 hesablı qələbəsi ilə başa çatıb. Cavab qarşılaşması fevralın 23-də Belçikada olacaq.