Turab Teymurov: “Formula 1” üzrə Azərbaycan Qran Prisi qalib ölkə olaraq tanınmağımız üçün çox önəmlidir”

“Formula 1” üzrə Azərbaycan Qran Prisi ölkəmizə çox şey qazandırır. Bu, qalib ölkə olaraq bizim tanınmağımız üçün önəmlidir”.

“Report”un məlumatına görə, bu barədə Bakıdakı yarışın mətbuat katibi Turab Teymurov bildirib.

O, ilk 4 ildə Qran Pridən 500 milyon ABŞ dollarından çox qazanc əldə olunduğunu xatırladıb: “Budəfəki yarışı daha möhtəşəm təşkil edəcəyik. Biz artıq qalib ölkənin qalib xalqıyıq”.

T. Teymurov qonaqpərvərliyi nümayiş etdirmək üçün xalqa müraciət edəcəklərini söyləyib.

Qeyd edək ki, Azərbaycan Qran Prisi 2023-cü il 28-30 aprel tarixlərində keçiriləcək.