Çağırış Kuboku: Azərbaycan təmsilçisi bu gün cavab oyununa çıxacaq

Kişi voleybolçulardan ibarət "Murov" klubu Çağırış Kubokunda növbəti oyununu keçirəcək.

"QELEBE.AZ"un məlumatına görə, Fərid Cəlalovun baş məşqçi olduğu komanda 1/16 finalda Avstriyanın "UVC Qrats" kollektivi ilə cavab matçına çıxacaq. Bakı Voleybol Mərkəzində oynanılacaq görüş saat 18:00-da başlayacaq.

Eyni arenada baş tutan ilk qarşılaşmada Azərbaycan təmsilçisi 3:0 hesablı qələbə qazanıb.

Qeyd edək ki, "Murov" 1/32 final mərhələsində Xorvatiyanın "Kitro Varazdin" komandasını mübarizədən kənarlaşdırıb.

Çağırış Kuboku

1/16 final, cavab oyunu

9 noyabr

18:00. "Murov" (Azərbaycan) - "UVC Qrats" (Avstriya)

İlk oyun - 3:0

Bakı Voleybol Mərkəzi