"Mançester Yunayted"  "Çelsi"nin yarımmüdafiəçisini transfer etmək istəyindədir

İngiltərənin "Mançester Yunayted" klubu Premyer Liqanın digər təmsilçisi "Çelsi"nin yarımmüdafiəçisi Koul Palmeri transfer etmək istəyindədir.

"QELEBE.AZ" “The Independent”ə istinadən xəbər verir ki, Mançester təmsilçisi ingiltərəli oyunçunu almaq imkanını nəzərdən keçirir.

22 yaşlı futbolçu bu mövsüm bütün turnirlərdə meydana çıxdığı 39 oyunda 14 qola, 9 məhsuldar ötürməyə imza atıb.

Qeyd edək ki, Ruben Amorimin baş məşqçisi olduğu komanda 33 turdan sonra 38 xalla turnir cədvəlinin 14-cü pilləsində qərarlaşıb.