"Sabah" səfərdə "Qəbələ"ni məğlub edib

Futbol üzrə Azərbaycan Premyer Liqasında XX tura yekun vurulub.

"Report"un məlumatına görə, günün ilk oyununda "Qəbələ" "Sabah"ı qəbul edib.

Qəbələ şəhər stadionundakı qarşılaşma paytaxt təmsilçisinin 3:0 hesablı qələbəsi ilə yekunlaşıb.

"Bayquşlar"ın qollarını 60-cı dəqiqədə Davit Volkov, 70-ci dəqiqədə Con İrasabal, 89-cu dəqiqədə Coy Lens Mikels vurub.

Meydan sahiblərinin heyətində Ruan Renato 28-ci dəqiqədə birbaşa qırmızı vərəqə alaraq meydandan qovulub.

Bu nəticədən sonra xallarının sayını 49-a çatdıran "Sabah" ikinci pillədə qərarlaşıb. 26 xala malik "Qəbələ" 5-ci sıradadır.

Qeyd edək ki, tura bu gün keçiriləcək "Neftçi" - "Zirə" görüşü ilə yekun vurulacaq. Turun əvvəlki oyunlarında "Sumqayıt" evdə "Turan Tovuz"a 2:1, "Qarabağ" "Şamaxı"ya 3:1, "Səbail" isə "Kəpəz"ə 1:0 hesabı ilə qalib gəlib.

"Qəbələ" evdə "Sabah"a qarşı keçirdiyi Azərbaycan Premyer Liqasının XX tur oyununda azlıqda qalıb.

"Report"un məlumatına görə, "qırmızı-qaralar"ın müdafiəçisi Ruan Renato 28-ci dəqiqədə birbaşa qırmızı vərəqə ilə meydandan qovulub.

Braziliyalı futbolçu qonaqların hücumçusu Davit Volkova qarşı kobudluq etdikdən sonra baş hakim Vüqar Həsənli görüşü saxlayıb. Bu zaman Ruan Renato dördüncü hakim Rəvan Həmzəzadənin üzərinə hücum çəkərək, ona nəsə deyib. Bundan sonra isə referi Renatonu meydandan qovub.

Sarı vərəqə alan "Qəbələ"nin digər müdafiəçisi Murad Musayev isə cəzalı duruma düşüb. Bu, onun cari mövsümdə 4-cü rəsmi xəbərdarlığı olub. Hər iki arxa xətt oyunçusu növbəti turun "Zirə" ilə matçını buraxacaq.

Qeyd edək ki, hazırda matçda ilk hissə oynanılır və hesab açılmayıb.

Futbol üzrə Azərbaycan Premyer Liqasının XX turunda üz-üzə gələcək “Qəbələ” və “Sabah”ın start heyətləri bəlli olub.

“Report”un məlumatına görə, komandalar meydana aşağıdakı “11-lik”lə çıxacaqlar.

“Qəbələ”: 1. Səlahət Ağayev, 11. Asif Məmmədov (k), 2. İlkin Qırtımov, 34. Urfan Abbasov, 27. Məqsəd İsayev, 28. Murad Musayev, 14. Ülvi İsgəndərov, 7. Rövlan Muradov, 4. Ruan Renato, 5. İsnik Alimi, 6. Feras Abu Akal

Ehtiyat oyunçular: 13. Kristof Atanqana, 36. Elməddin Sultanov, 33. Hüseyn Mürsəlov, 77. Emil Səfərov, 88. Gülağa Əsədov, 18. Mehrac Baxşalı, 20. Rauf Rüstəmli, 16. Nicat Əliyev, 23. Rafael Utziq, 17. Yaovi Akakpo, 10. Omar Hani

Baş məşqçi: Elmar Baxşıyev

“Sabah”: 12. Yusif İmanov, 14. Bəxtiyar Həsənalızadə, 4. Elvin Camalov (k), 10. Aleksey İsayev, 2. Amin Seydiyev, 15. Kristian da Silva, 7. Boyan Letiç, 20. Coy Lens Mikels, 18. Davit Volkov, 19. Con İrasabal, 8. Aleksey Kaşuk

Ehtiyat oyunçular: 94. Nicat Mehbalıyev, 16. Rustam Samigullin, 77. Namik Ələskərov, 17. Tellur Mütəllimov, 9. Anatoli Nuriyev, 29. Ceyhun Nuriyev, 21. İldar Alekperov, 22. Seymur Məmmədov, 11. Kristian Sebalyos, 3. Zurab Oçiqava, 99. Emmanuel Apeh

Baş məşqçi: Murad Musayev

Qeyd edək ki, Qəbələ şəhər stadionundakı qarşılaşma saat 15:00-da başlayacaq.