Qadın voleybolçular arasında Yüksək Liqada növbəti turun proqramı açıqlanıb

Qadın voleybolçular arasında Azərbaycan Yüksək Liqasında IV turun proqramı bəlli olub.

Azərbaycan Voleybol Federasiyasının mətbuat xidmətindən "Report"a verilən məlumata görə, oyunlar dekabrın 19-da keçiriləcək.

İlin son matçları Bakı və Gəncə şəhərlərində təşkil olunacaq.

Saat 15:00-da Gəncə İdman Sarayında “Gəncə” UNEC-i qəbul edəcək.

Gənclər və İdman Nazirliyinin Voleybol Mərkəzində, saat 15:00-da "Abşeron" "Azərreyl"lə, iki saat sonra isə “Milli Aviasiya Akademiyası” “Murov Az Terminal" ilə üz-üzə gələcək.