Avropa Liqası: "Qarabağ"ın səfər oyununa qonaq azarkeşlər üçün ayrılmış biletlər satışa çıxarılır

"Qarabağ"ın İsveçdə "Elfsborq"a qarşı keçirəcəyi UEFA Avropa Liqası matçının qonaq azarkeşləri üçün biletlər sabahdan satışa çıxarılacaq.

"QELEBE.AZ" xəbər verir ki, bu barədə Azərbaycan təmsilçisinin mətbuat xidməti məlumat yayıb.

Tərəfdarlar biletləri sabah saat 12:00-dan etibarən iTicket.az saytında əldə edə biləcəklər.

Fanatlar əldə etdikləri vauçerləri oyun günü saat 16:00-dan 18:00-a kimi "Scandic Plaza Borås" (Allégatan 3, 503 32 Borås, Sweden) otelinin məlumat şöbəsinə yaxınlaşaraq biletə dəyişməlidirlər. Biletlərin qiyməti 30 manatdır.

Qeyd edək ki, UEFA Avropa Liqasının Liqa mərhələsinin VI turunda, dekabrın 12-də təşkil olunacaq "Elfsborq" - "Qarabağ" oyunu Bakı vaxtı ilə saat 00:00-də start götürəcək.