Rusiyalı qapıçının "Qarabağ"ın düşərgəsinə qoşulacağı tarix bəlli olub

Rusiya millisinin qapıçısı Andrey Lunyov bu gün "Qarabağ"ın düşərgəsinə qoşulacaq.

"Report" xəbər verir ki, 32 yaşlı qolkiper bu barədə "Championat" nəşrinə açıqlamasında deyib.

Qeyd edək ki, martın 23-də Rusiya yığmasının təlim-məşq toplanışı başa çatıb. Daha əvvəl komandanın Paraqvay millisi ilə yoldaşlıq görüşü Moskva vilayətindəki terror aktına görə ləğv edilib. Qarşılaşma bu gün gerçəkləşməli idi. Rusiya millisi martın 21-də Serbiyanı 4 cavabsız qolla üstələyib. Lunyov bu matçda meydana çıxmayıb.