Argentina millisinin baş məşqçisi istefa verə bilər

Argentina millisinin baş məşqçisi Lionel Skaloni istefa verə bilər.

“Report” xəbər verir ki, bunu 45 yaşlı mütəxəssis özü açıqlayıb.

O, DÇ-2026-nın seçmə mərhələsində Braziliyanı 1:0 hesabı ilə məğlub etdikləri səfər matçından sonra mümkün istefaya işarə vurub: “İndi topu saxlayıb düşünməyə başlamağın vaxtıdır. Bu futbolçular mənə çox şey qazandırdılar. Gələcəyimlə bağlı nə edəcəyimi çox düşünməliyəm. Bu vida deyil, amma tələb çox yüksəkdir, çox enerji tələb edir. Davam etmək, qalib gəlmək çətindir. Komandaya maksimum enerjiyə sahib olan məşqçi lazımdır”.

Qeyd edək ki, Argentina millisi Cənubi Amerika zonasında 15 xalla turnir cədvəlinə başçılıq edir.