"Bavariya" 17 yaşlı türkiyəli futbolçu ilə maraqlanır

Almaniya "Bavariya"sı Türkiyənin "Fənərbağça" klubunda çıxış edən Arda Gülerlə maraqlanır.

"Report" "Takvim"ə istinadən xəbər verir ki, Münhen təmsilçisi 17 yaşlı istedadlı yarımmüdafiəçinin oyununu yaxından izləyir.

"Bavariya" İstanbul klubunun oktyabrın 17-də səfərdə "Ankaragücü"nə qarşı keçirəcəyi Türkiyə Super Liqasının X tur matçına nümayəndəsini göndərəcək.

Qeyd edək ki, Arda Güler "Fənərbağça"nın əsas komandasında indiyədək 5 qol və eyni sayda məhsuldar ötürmə ilə yadda qalıb. Onun klubla sözləşməsi 2025-ci ildə başa çatmalıdır.