Vensan Abubakar: "Neftçi" ilə oyun növbəti matçlar üçün nümunə oldu"

"Bu qarşılaşma növbəti matçlar üçün yaxşı nümunə oldu. Sonadək mübarizə apardıq və döyüşkənliyimizi göstərdik".

"QELEBE.AZ" xəbər verir ki, bunu "Beşiktaş"ın futbolçusu Vensan Abubakar Türkiyədə "Neftçi"yə 2:1 hesabı ilə qalib gəldikləri UEFA Konfrans Liqasının III təsnifat mərhələsinin cavab oyunu ilə bağlı klubun rəsmi saytına açıqlamasında deyib.

32 yaşlı hücumçu bütün komanda yoldaşlarına təşəkkür etdiyini söyləyib: "Geridönüş edərək komanda ruhunu göstərdik. İkinci hissədə xarakter ortaya qoyduq və çox həvəslə oynadıq. Qələbə qazandığımız üçün xoşbəxtik".

Qeyd edək ki, İstanbul təmsilçisi Bakıdakı görüşdə də qələbə qazanmışdı - 3:1.