Gəncədə yeni stadion tikilməsi təklif olunub

”Kəpəz” komandası uzun illər sonra öz evində oynaya bildi”.
APA xəbər verir ki, bunu Milli Məclisin bu gün keçirilən iclasında deputat Naqif Həmzəyev deyib.
Deputat bildirib ki, “Kəpəz” futbol klubuna ayrılan vəsait o qədər də çox deyil: “Ümid edirəm ki, Gəncədə müasir tələblərə cavab verən stadion tikiləcək”.
Naqif Həmzəyev Gəncənin su və kanalizasiya probleminə də toxunub: “Prezident tərəfindən lazımi vəsait ayrılıb və bu işlər artıq sürətlə həyata keçirilir. Eyni zamanda gəncəlilərin ən böyük istəyi və arzusu Gəncənin yollarının da Bakının mərkəzi küçələri kimi olmasıdır”.