Türkiyə yenidən avrokubokların final oyununa ev sahibliyi edə bilər

Türkiyə 2026 və ya 2027-ci ildə keçiriləcək avrokubokların final oyununa ev sahibliyi edə bilər.

“QELEBE.AZ” UEFA-nın tviter səhifəsinə istinadən xəbər verir ki, yerli futbol federasiyası bununla bağlı quruma rəsmi müraciət edib.

Türkiyə həmin illərdə Avropa Liqası və ya Konfrans Liqasının final matçının qəbulunda maraqlıdır.

Həmçinin, 2026 və 2027-ci illərdəki qitəmiqyaslı turnirlərin həlledici görüşlərinə digər iddiaçı ölkələr də açıqlanıb.

Çempionlar Liqası: Macarıstan, İtaliya;

Avropa Liqası: Almaniya, Rumıniya, Şotlandiya, Türkiyə;

Konfrans Liqası: Almaniya, İsrail, Norveç, Şotlandiya, İsveçrə, Türkiyə;

Qadınlar aradında Çempionlar Liqası: Almaniya, Norveç, Şotlandiya.

Qeyd edək ki, 2022/2023 mövsümündə Çempionlar Liqasının “Mançester Siti” (İngiltərə) ilə “İnter” (İtaliya) arasında keçirilən final görüşü İstanbulda baş tutub. “Mançester Siti” Atatürk Olimpiya Stadionundakı matçda rəqibi üzərində 1:0 hesablı qələbə qazanıb.