Çempionlar Liqası: yarımfinalın ilk oyunlarına Milan derbisi ilə yekun vurulacaq

Bu gün UEFA Çempionlar Liqasında yarımfinal mərhələsinin ilk oyunlarına yekun vurulacaq.

"QELEBE.AZ"un məlumatına görə, bu raundun ikinci matçında İtaliya “Milan”ı eyni şəhərin “İnter” klubunu qəbul edəcək. "San Siro" stadionundakı görüşü ispaniyalı Xesus Xil Mansano idarə edəcək. Laysmanlar Diyeqo Barbero Sevilya və Anxel Nevado Rodriges, 4-cü hakim isə ispaniyalı Xose Sançes Martines olacaq.

Komandalar arasında cavab matçı mayın 16-da eyni şəhərin eyniadlı stadionunda keçiriləcək.

UEFA Çempionlar Liqası, yarımfinal

İlk oyun

5 may

23:00. "Milan" (İtaliya) - "İnter" (İtaliya)

Baş hakim: Xesus Xil Mansano (İspaniya)

Milan, "San Siro" stadionu

Qeyd edək ki, yarımfinalın ilk oyununda İspaniya "Real Madrid"i öz meydanında İngiltərənin “Mançester Siti”si ilə heç-heçəyə razılaşıb – 1:1.