Rahid Əmirquliyev: "Düşünürdüm ki, De Byazi son iki məğlubiyyətdən sonra özü istefa verər"

"Düşünürdüm ki, son iki məğlubiyyətdən sonra özü istefa verər, amma onu da görmədik".

Bunu "QELEBE.AZ"a müsahibəsində "Səbail"in kapitanı Rahid Əmirquliyev Azərbaycan millisinin baş məşqçisi Canni De Byazinin işini dəyərləndirərkən deyib.

34 yaşlı yarımmüdafiəçi bildirib ki, italiyalı mütəxəssis yığmadan getməlidir: "Hələ müqavilə yenilənməmişdən əvvəl demişdim ki, onu saxlamağın heç bir faydası yoxdur, bir il də itirəcəyik. Axırda da deyəcək ki, rəqiblər güclü idi, heç nə edə bilmədik. Fikrimcə, komandada qalmamalıdır".

Təcrübəli oyunçu milliyə yerli baş məşqçinin rəhbərlik etməli olduğunu söyləyib: "Çünki illərdir yığmanı əcnəbi mütəxəssislər çalışdırırlar. Nə vaxtsa komandanı qrupdan çıxardıqlarını görməmişəm. Düzdür, bəzilərinin vaxtında millimiz normal futbol göstərib. Lakin yerli mütəxəssis təyin edib ona uzun müddət şans versələr, bundan daha yaxşı olar".

Rahid Əmirquliyevin müsahibəsinin tam versiyasını buradan oxuya bilərsiniz.