“Turan Tovuz”un legioneri zədələnib

“Turan Tovuz”un legioner futbolçusu Piruzi Marakvelidze zədələnib.

“Report”un məlumatına görə, 28 yaşlı yarımmüdafiəçi Azərbaycan Premyer Liqasının XXVIII turunda “Sumqayıt”la oyunda sıradan çıxıb.

Tovuz şəhər stadionunda keçirilən görüşün 42-ci dəqiqəsində əzələsi dartılan Marakvelidze mübarizəni davam etdirə bilməyib. Nəticədə baş məşqçi Ayxan Abbasov məcburi əvəzləməyə əl ataraq, onun yerinə Turan Vəlizadəni meydana buraxıb.

Qeyd edək ki, birinci hissəsi başa çatan oyunda “Turan Tovuz” 2:1 hesabı ilə öndədir.