Messi və Ronaldunu üz-üzə gətirəcək oyunun biletləri bir neçə dəqiqəyə satılıb
https://mail.qelebe.az//uploads/photo/messi-ve-ronaldunu-uz-uze-getirecek-oyunun-biletleri-bir-neche-deqiqeye-satilib.webp
Fransa PSJ-si ilə Səudiyyə Ərəbistanının "Əl Nəsr" klubu arasında keçiriləcək yoldaşlıq oyununun biletləri bir neçə dəqiqəyə satılıb.
"Report" ESPN-ə istinadən xəbər verir ki, Lionel Messi və Kriştianu Ronaldunu üz-üzə gətirəcək qarşılaşmaya böyük maraq var.
Yanvarın 19-da paytaxt Ər-Riyadda oynanılacaq matçın biletləri satışa çıxarıldıqdan sonra 2 milyondan çox insan onlayn növbəyə durub.
Qeyd edək ki, Messi PSJ-nin, Ronaldu isə "Əl Nəsr"in formasını geyinir.
