"Qarabağ"la oyundan öncə "Frayburq"da zədəlilərin durumuna aydınlıq gəlib
https://mail.qelebe.az//uploads/photo/qarabagla-oyundan-once-frayburqda-zedelilerin-durumuna-aydinliq-gelib.webp
UEFA Avropa Liqasının qrup mərhələsinin ilk turunda "Qarabağ"ı qəbul edəcək Almaniya "Frayburq"unda zədəli futbolçuların durumuna tam aydınlıq gəlib.
"QELEBE.AZ" yerli mətbuata istinadən xəbər verir ki, Bundesliqada V turun "Bayer"lə səfər qarşılaşmasında (3:2) sifətindən ağır zədə alan Roland Şallainin ən azı 2 matçda meydana çıxmayacağı dəqiqləşib.
Həmin görüşdə topuğundan zədələnən Manuel Quldenin və zədəsini yenicə sağaldan Daniel-Kofi Körehin vəziyyəti isə normaldır. Almaniyalı müdafiəçi ilə qanalı hücumameylli yarımmüdafiəçi sentyabrın 8-də Azərbaycan çempionu ilə oyunda iştirak edə bilər.
Qeyd edək ki, "Europa-Park" stadionunda təşkil olunacaq "Frayburq" - "Qarabağ" matçı Bakı vaxtı ilə saat 23:00-da başlanacaq.
