"Araz-Naxçıvan"ın Konfrans Liqasındakı rəqibi yeni futbolçu transfer edib
https://mail.qelebe.az//uploads/photo/araz-naxchivanin-konfrans-liqasindaki-reqibi-yeni-futbolchu-transfer-edib.webp
"Araz-Naxçıvan" komandasının UEFA Konfrans Liqasının II təsnifat mərhələsindəki rəqibi Yunanıstan təmsilçisi "Aris" heyətinə yeni futbolçu cəlb edib.
"Report" xəbər verir ki, bu barədə klubun mətbuat xidməti məlumat yayıb.
Saloniki təmsilçisi 25 yaşlı sağ cinah müdafiəçisi Noah Fadiqa ilə anlaşıb. Onun sonuncu klubu Belçikanın "Gent" kollektivi olub.
Qeyd edək ki, UEFA Konfrans Liqasında II təsnifat mərhələsinin görüşləri iyulun 24-ü və 31-də keçiriləcək. "Araz-Naxçıvan" ilk görüşü evdə, cavab matçını səfərdə keçirəcək.
