Azərbaycan minifutbol millisinin üzvü: “Rumıniya ilə 1/8 final oyununa qələbə qazanmaq üçün çıxacağıq”

Azərbaycanın minifutbol yığması Bakıda keçirilən dünya çempionatının 1/8 finalında bu gün qarşılaşacağı Rumıniya ilə matçda qələbəyə köklənib.

Bunu “Report”a açıqlamasında milli üzvü Ramiz Çovdarov bildirib.

O, son dünya çempionu olan rəqibin zəiflədiyini düşünmür:

“Meydançaya qələbə qazanmaq üçün çıxacağıq. Rəqib son dünya çempionudur. Buna baxmayaraq, öz oyunumuzu göstərəcəyik. Rumıniyanın heyətində dəyişikliklər var. Qapıçıları dəyişib, oyunçularından biri bu gün oynamayacaq. Bütün bunlara bamayaraq, zəiflədiklərini fikirləşmirik. Hər biri yaxşı oynayır. Məqsədimiz qələbə qazanmaq olacaq”.

Qeyd edək ki, Milli Gimnastika Arenasında keçirilən mundialın qrup mərhələsini lider kimi başa vuran Azərbaycan yığması bu gün 1/8 finalda Rumıniya ilə qarşılaşacaq. Görüş saat 20:30-da start götürəcək.