AFFA “Dinamo” və “Ağdaş” klublarının futbolçularını diskvalifikasiya edib

AFFA II Liqada mübarizə aparan “Dinamo” və “Ağdaş” klublarının futbolçularını diskvalifikasiya edib.

"Report" xəbər verir ki, bu barədə qurumun İntizam Komitəsinin iclasında qərar qəbul olunub.

II Liqada XXV turun ötən gün baş tutan “Ağdaş” – “Dinamo” matçının 88-ci dəqiqəsində qonaqların futbolçusu Əlisa İsayev qeyri-etik ifadə və ya hərəkətə görə birbaşa qırmızı vərəqə aldığı üçün 3 oyun cəzalanıb. Klub isə 200 manat cərimələnib.

Həmçinin 90+4-cü dəqiqədə “Ağdaş”ın futbolçusu Səbuhi Ağayev təcavüzkar davranışa (rəqibi vurduğuna) görə birbaşa qırmızı vərəqə aldığı üçün 4 oyunluq diskvalifikasiya olunub. Klub futbolçusunun hərəkətinə görə 300 manat ziyana düşüb.