Moldovalı futbolçu: "Azərbaycan millisi ilə matça yoldaşlıq oyunu kimi baxmırıq"

"Biz belə matçlara yoldaşlıq görüşü kimi baxmırıq. Çox ciddi hazırlaşırıq. Bu, meydanda da nəzərə çarpacaq".

"Report"un məlumatına görə, bu fikirləri Moldova millisinin futbolçusu Yoan-Kelin Revenko keçirəcəkləri yoldaşlıq oyunları ilə bağlı federasiyanın rəsmi saytına müsahibəsində deyib.

22 yaşlı müdafiəçi Azərbaycan millisini təhlik etdiklərini bildirib: "Çətin qarşılaşma olacaq. Onların yaxşı komandası var. Rumıniya haqqında hələlik məlumat almamışıq. İlk matça hazırlaşırıq. Rumıniya çempionatını izləyirən. Bu rəqib də yaxşı komandaya malikdir".

Qeyd edək ki, noyabrın 16-da Azərbaycan millisi ilə qarşılaşacaq Moldova seçməsi, 4 gün sonra Rumıniya ilə üz-üzə gələcək.