Şahin Bağırov: "Dövlət tərəfindən hər zaman idmana böyük qayğı göstərilir"

Azərbaycan Voleybol Federasiyasının prezidenti Şahin Bağırov bu il ölkə voleybolunun uğurlu keçdiyini bildirib.

"Report"un məlumatına görə, kişi voleybolçular arasında "Murov Az Terminal" və "Azərreyl" arasında keçirilmiş ikinci final oyunundan sonra danışan qurum rəhbəri hər iki komandanın mövsüm ərzində layiqli mübarizə apardığını bildirib.

Onun sözlərinə görə, bu mövsüm Azərbaycan klublarında yerli məşqçilərə də şans verib.

"Bu gün meydanda mübarizə aparan komandaları təbrik edirəm. Ümid edirəm ki, bu cür finalları daha çox izləyəcəyik. Dövlət tərəfindən hər zaman idmana böyük qayğı göstərilir. Bunun sayəsində idmançılarımız beynəlxalq arenalarda uğurla çıxış edirlər".