Mbappe Çempionlar Liqasında yeni uğurlara imza atıb

İspaniyanın "Real" klubunun futbolçusu Kilian Mbappe UEFA Çempionlar Liqasında (ÇL) yeni uğurlara imza atıb.

"QELEBE.AZ" xəbər verir ki, 26 yaşlı hücumçu buna evdə İngiltərə təmsilçisi "Mançester Siti"yə qalib gəldikləri (3:1) pley-off mərhələsinin cavab oyununda het-trik etməklə nail olub.

Fransalı forvard ÇL-də "Santyaqo Bernabeu" və "Kamp Nou" stationunda bir matçda üç qol vuran ilk oyunçu kimi tarixə düşüb. O, 2021-ci ildə PSJ-də çıxış edərkən "Barselona" ilə səfər qarşılaşmasında da bunu bacarıb.

Bundan əlavə, Mbappe Çempionlar Liqasının pley-offunda het-trik edən "Real"ın dördüncü futbolçusudur. Daha əvvəl braziliyalı Ronaldo, portuqaliyalı Kriştianu Ronaldu və fransalı Kərim Benzema bir görüşdə üç dəfə rəqib qapılarına yol tapıb.

Fransa millisinin üzvü qitənin bir nömrəli klub turnirində Xosep Qvardiolanın baş məşqçisi olduğu komandaya ən çox qol vuran iki oyunçudan biridir. Lionel Messi də onun kimi 7 dəfə fərqlənib.

Qeyd edək ki, İngiltərədə rəqibini 2:1 hesabı ilə üstələyən "Real" 1/8 finala vəsiqə qazanıb.