Amerikalı atlet bir həftə ərzində iki dünya rekordu müəyyənləşdirib

Amerikalı atlet Qrant Fişer ABŞ-də bir həftə ərzində iki dünya rekordu müəyyənləşdirib.

“Report” TASS-a istinadən xəbər verir ki, o, qapalı məkanda keçirilən turnirdə 5000 metr məsafəyə qaçış üzrə rekorda imza atıb.

İdmançı sözügedən məsafəni 12 dəqiqə 44,09 saniyəyə qət edib. Əvvəlki dünya rekordu efiopiyalı Kenenisa Bekeleyə məxsus idi. Sprinter 2004-cü ilin fevralında 5000 metr məsafəni 12 dəqiqə 49,60 saniyəyə qaçmışdı.

Qeyd edək ki, Q.Fişer ABŞ-də fevralın 9-da qapalı məkanda keçirilən turnirdə 3000 metr məsafəyə qaçış üzrə də dünya rekordu müəyyənləşdirmişdi. İdmançı 2024-cü ildə keçirilən Paris Olimpiadasında 5000 və 10000 metr məsafələrə qaçış üzrə bürünc medal sahibidir.