Azərbaycan millisinin baş məşqçisi: "Gənclərin kamandan oxatmaya marağının artması bizi sevindirir"
https://mail.qelebe.az//uploads/photo/azerbaycan-millisinin-bash-meshqchisi-genclerin-kamandan-oxatmaya-maraginin-artmasi-bizi-sevindirir.webp
Gənclərin kamandan oxatmaya marağının artması bizi sevindirir.
"QELEBE.AZ" xəbər verir ki, bunu Azərbaycanın kamandan oxatma millisinin baş məşqçisi Natiq Fazilov deyib.
Bakı İdman Sarayında keçirilən kamandan oxatma üzrə Azərbaycan birinciliyi və çempionatının ardından jurnalistlərin suallarını cavablandıran mütəxəssis yarışın yüksək səviyyədə təşkil olunduğunu bildirib:
"Hər dəfə kamandan oxatma yarışlarında iştirak edənlərin sayı çoxalır. Xüsusi ilə gənclərin turnirə marağının artması bizi sevindirir. Qarşıda bizi Kanadada keçiriləcək dünya çempionatı gözləyir. Bundan başqa, MDB Oyunları çərçivəsində Xankəndidə keçiriləcək yarışı həyəcanla gözləyirik. İnanıram ki, kamandan oxatanlarımız ölkəmizi layiqincə təmsil edəcəklər".
Qeyd edək ki, 3 gün davam edən Azərbaycan birinciliyi və çempionatında müxtəlif bölgələri təmsil edən 60-a yaxın idmançı mübarizə aparıb. Kişi və qadın oxatanlar örtülü salonda üç yaş kateqoriyası (16 yaşa qədər yeniyetmələr, 16-18 yaşlı gənclər və böyüklər) üzrə hədəfi 18 metrdən nişan alıblar.
