Cüdo yığmasının baş məşqçisi: "Qələbəni şəhidlərimizə həsr edirik"

"Qələbəni şəhidlərimizə və qəhrəman oğullarımıza həsr edirik".

Bunu Azərbaycanın cüdo üzrə gənc qızlardan ibarət yığmasının baş məşqçisi Vüqar Hüseynov "Report"un Çexiyanın paytaxtı Praqaya ezam olunmuş əməkdaşına Avropa çempionatının komanda yarışında bürünc bürünc qazanmaları barədə danışarkən deyib.

Mütəxəssis çempionluq istədiklərini bildirsə də, qazanılan nəticədən də razı qaldığını söyləyib: "Komandamız yüksək səviyyədə çıxış etdi. 3-cü yeri tutduğumuz üçün çox sevincliyik".

O, qələbə münasibətilə başda Azərbaycan Cüdo Federasiyası olmaqla, bütün idmançıları canı-könüldən təbrik edib: "Həm oğlanlar, həm də qızlar sonadək mübarizə apardılar. Biləyimizin gücü ilə bürünc medal qazandıq".