İngiltərə millisinin keçmiş üzvü A Seriyasının autsayderi ilə müqavilə imzalayıb

İngiltərə milli futbol komandası və “Tottenhem” klubunun sabiq üzvü Dele Alli İtaliya A Seriyasının “Komo” klubuna keçib.

“QELEBE.AZ” xəbər verir ki, bu barədə klubun rəsmi saytı məlumat yayıb.

Məlum olub ki, 28 yaşlı ingilis 2026-cı ilin yayınadək müqavilə imzalayıb. Müqaviləyə həmçinin daha bir mövsüm uzatma seçimi də daxil ediləcək.

İngilis futbolçu 2024-cü ilin yayında “Everton”dan ayrılıb, o vaxtdan sərbəst agent statusunda qalıb. Klub karyerasında o həmçinin İngiltərənin “Milton Keyns Dons” və Türkiyənin “Beşiktaş” klublarında çıxış edib. Alli 2015-2022-ci illərdə “Tottenhem”in heyətində oynayıb.

Alli İngiltərə milli komandasının əsas heyətində 2015-ci ildə debüt edib. Ümumilikdə milli komanda üçün 37 oyun keçirib və üç qol vurub. Futbolçu 28 yaşındadır və mərkəz yarımmüdafiəçi mövqeyində çıxış edir.