"Valensiya" klubunun baş məşqçi postuna namizəd bəlli olub

İspaniyanın "Valensiya" klubunu Karlos Korberan çalışdıra bilər.

"Report" xarici KİV-ə istinadən xəbər verir ki, 41 yaşlı mütəxəssis hazırda İngiltərə təmsilçisi "Vest Bromviç"ə rəhbərlik etsə də, "yarasalar"ın təklifinə müsbət cavab verib.

Baş məşqçinin keçidi baş tutarsa, ispanlar qarşı tərəfə 2,4 milyon avro təzminat ödəməli olacaqlar.

Karlos Korberanın yeni klubu ilə müqaviləsi 2027-ci ilə qədər nəzərdə tutulub.

Qeyd edək ki, "Valensiya" ötən gün Ruben Baraxa ilə yollarını ayırıb.