Azərbaycan Voleybol Federasiyasının həkimi beynəlxalq yarışa təyinat alıb
https://mail.qelebe.az//uploads/photo/azerbaycan-voleybol-federasiyasinin-hekimi-beynelxalq-yarisha-teyinat-alib.webp
Azərbaycan Voleybol Federasiyasının (AVF) həkimi, Avropa Voleybol Konfederasiyasının (CEV) Tibb Komissiyasının üzvü Vüsalə Kazımova beynəlxalq yarışa təyinat alıb.
"Report" AVF-nin mətbuat xidmətinə istinadən xəbər verir ki, V.Kazımova 22 yaşadək (U-22) qızların Avropa çempionatının final mərhələsində fəaliyyət göstərəcək.
Həmyerlimiz İtaliyanın Kopertino və Lecce şəhərlərində baş tutacaq oyunlara CEV-in tibbi nümayəndəsi kimi nəzarət edəcək.
Qeyd edək ki, bu gün startı veriləcək yarış iyulun 6-na qədər davam edəcək.
