ACES-in prezidenti: İnanırıq ki, Bakı dünyanın idman paytaxtlarından biri olacaq

Bakı və Gəncə şəhərlərini çox yaxşı tanıyıram.

"Report" xəbər verir ki, bunu Avropa İdman Paytaxtları və Şəhərləri Federasiyasının (ACES Europe) prezidenti və təsisçisi Françesko Lupatelli Bakı şəhərinin dünya idman paytaxtına namizədliyi ilə bağlı keçirilən mətbuat konfransında deyib.

O, 9 fərqli ölkədən olan nümayəndələrlə birgə Azərbaycana gəldiklərini bildirib: "Qonaqpərvərliyə görə dərin təşəkkürümü bildirirəm. Xüsusi ilə gənclər və idman naziri Fərid Qayıbova öz minnətdarlığımı çatdırmaq istərdim. Ölkənizin idmanın inkişafında rolu danılmazdır. İnanırıq ki, Bakının irəli sürdüyü namizədlik təsdiqlənəcək və şəhəriniz dünyanın idman paytaxtlarından biri olacaq".