İsmayıl Zamanov: "Avropa çempionatında üçüncü yer pis nəticə deyil"

"Yarışa çempionluq üçün gəlmişdim. Amma üçüncü yer də pis nəticə deyil".

Bunu Çexiyanın paytaxtı Praqada gənclər arasında keçirilən Avropa çempionatında bürünc medal qazanan Azərbaycan cüdoçusu İsmayıl Zamanov "QELEBE.AZ"un yarışa ezam olunmuş əməkdaşına açıqlamasında deyib.

90 kq çəki dərəcəsində çıxış edən idmançı məşqçilərinə təşəkkür edib: "Baş məşqçi Elxan Məmmədova, onun köməkçisi Elxan Rəcəbliyə, şəxsi məşqçim Ruslan Quliyevə minnətdarlığımı bildirirəm. Hamısı mənim arxamda dayanıb və güvənib. Medal qazanacağımı gözləyirdim. Çox əziyyət çəkmişdim. Daha əvvəl 81 kq-da çıxış edirdim. Bu, 90 kq-da ilk yarışım idi".

Qeyd edək ki, bu çəki dərəcəsində qızıl medalı Vüqar Talıbov qazanıb.