FIFA Avropadakı çempionat oyunlarının ABŞ-də keçirilməsi ilə bağlı qadağanı ləğv edəcək

FIFA Avropada çempionat oyunlarının ABŞ-də keçirilməsi ilə bağlı qadağanı ləğv edəcək.

“QELEBE.AZ” “Financial Times”ə istinadən xəbər verir ki, ali futbol qurumu Amerikanın “Relevent” şirkəti ilə bununla bağlı ilkin razılığa gəlib.

Tərəflər rəsmi görüşlərin Avropadan ABŞ-yə köçürülməsini maraqlı variant hesab edirlər. FIFA daxili oyunların ölkə ərazisindən kənarda keçirilməsi ilə bağlı qaydalara dəyişiklik etmək məsələsinə müsbət rəy verib. Ancaq bununla bağlı hələ rəsmi qərar verilməyib.

Qeyd edək ki, Avropanın top-klubları bəzi çempionat və kubok görüşlərinin ABŞ-də təşkil olunmasının tərəfdarıdır.