Xankəndi – Bakı ultra marafonunun 3-cü mərhələsi Hacıqabulda başa çatıb

“İdman həftəsi” çərçivəsində “Qürurla irəli!” şüarı ilə Xankəndi – Bakı ultra marafonunun 3-cü mərhələsi keçirilib.

Bu barədə “QELEBE.AZ”a Azərbaycan Respublikasının Gənclər və İdman Nazirliyindən bildirilib.

21 nəfərin iştirakı ilə Ucardan start götürən üçüncü mərhələ 88 km məsafəni əhatə edərək Hacıqabulda başa çatıb.

Qeyd edilir ki, 17 nəfərin finişə çatdığı 3-cü mərhələdə kişilər arasında Artyom Əliyev birinci, Murat Kaya ikinci, Seymur Şahbazov üçüncü olublar. Qadınlar arasında isə finişə Svetlana Şepeleva (Moldova) və Leyla Abidinova (Azərbaycan) çatıblar.