Qadın voleybolçular arasında Azərbaycan çempionatında IX turun oyun proqramı müəyyənləşib

Qadın voleybolçular arasında Azərbaycan çempionatında IX turun oyun proqramı müəyyənləşib.

“QELEBE.AZ”un məlumatına görə, görüşlər yanvarın 16-da Bakı və Gəncə şəhərlərində baş tutacaq.

Ev oyunlarını Gəncə Olimpiya İdman Kompleksində keçirən “Gəncə”nin budəfəki qonağı “Abşeron” olacaq. Matç saat 15:00-da başlayacaq.

Bakıda UNEC öz meydanında “Murov Az Terminal”ı, “Azərreyl” isə Gənclər və İdman Nazirliyinin Voleybol Mərkəzində “Milli Aviasiya Akademiyası”nı qəbul edəcək. Hər iki görüşə saat 18:00-da start veriləcək.

Qeyd edək ki, hazırda “Azərreyl” 19 xalla turnir cədvəlinə başçılıq edir. “Abşeron” 18 xalla ikinci, “Murov Az Terminal” 17 xalla üçüncü pillədə qərarlaşıb. Hesabında 12 xal olan “Gəncə” dördüncüdür. Beşinci sıradakı “Milli Aviasiya Akademiyası”nın 6 xalı var. Sonuncu yerdə qərarlaşan UNEC-in isə xalı yoxdur.