“Neftçi”nin sabiq baş məşqçisi Rumıniya klubunu aldadıb

“Neftçi”nin sabiq baş məşqçisi Laurentsiu Regekampf Rumıniya klubu “Universitatya Krayova”nı aldadıb.

“Report”un yerli mətbuata istinadən məlumatına görə, 48 yaşlı mütəxəssis müqavilənin ləğvi üçün razılaşdırılan 300 000 avro təzminatı kluba ödəməyib.

Bunu “Universitatya Krayova”nın sahibi Mixay Rotaru açıqlayıb. O bildirib ki, mövsümün gedişində sözləşməyə təktərəfli xitam verən və Səudiyyə Ərəbistanının “Əl-Tai” klubunun “sükanı arxasına" keçən Regekampfla bağlı məhkəməyə müraciət olunub.

Qeyd edək ki, Laurentsiu Regekampf ötən mövsümün sonunda “Neftçi”dən ayrılıb.