“PSJ”nin futbolçusu yarışda qalib gəldiyi üçün hərbi xidmətdən azad olunacaq

Fransanın “Paris Sen-Jermen” futbol klubunun yarımmüdafiəçisi Li Kan İn U23 Asiya Oyunlarında qazandığı qələbəyə görə hərbi xidmətdən azad olunacaq.

“Report”un məlumatına görə, bu barədə “RMC Sport” xəbər verib.

Qeyd edək ki, Cənubi Koreyanın gənclər komandası Asiya Oyunlarının finalında Yaponiyanı 2:1 hesabı ilə məğlub edib. Cənubi Koreya qanunlarına görə, bütün milli komanda oyunçuları hərbi xidmətdən azad edilməlidir.

Ötən mövsüm Li Kan İn 39 matçda iştirak edib. Bu matçlarda altı qol vurub, altı məhsuldar ötürmə edib. “Transfermarkt” portalının məlumatına görə, yarımmüdafiəçinin bazar dəyəri 22 milyon avrodur.

Futbolçu əvvəllər də “Valensiya”da çıxış edib. Cənubi Koreya millisinin heyətində 22 yaşlı futbolçu Qətərdə keçirilən dünya çempionatında 4 matçda iştirak edib, 1 məhsuldar ötürmə edib.