KİV: Rusiyalı futbolçu “Neftçi”yə keçəcək

Rusiyalı yarımmüdafiəçi Reziuan Mirzov “Neftçi”yə keçəcək.

“Report” xəbər verir ki, bu barədə Rusiyanın “Çempionat” nəşri öz mənbələrinə istinadən məlumat yayıb.

Hazırda Mirzov azad agent statusundadır. 30 yaşlı futbolçunun son klubu “Ximki” olub.

Futbolçu 2020-ci ildən “Ximki”nin heyətində çıxış edib, Moskva vilayətinin komandasında 67 oyun keçirib, 14 qol vurub və 7 məhsuldar ötürmə verib. Ötən mövsüm Reziuan Mirzov 27 matçda iştirak edib, 4 qol vurub və 4 məhsuldar ötürmə edib.