"Neftçi"nin prezidenti: “Spartak”la əməkdaşlıq futbolumuzun Rusiyada təbliği üçün səmərəli olacaq”

“Ümid edirəm ki, “Spartak”la əməkdaşlıq hər iki klub üçün, Azərbaycan futbolunun burada, Rusiya futbolunun isə ölkəmizdə təbliği baxımından səmərəli olacaq”.

“QELEBE.AZ” xəbər verir ki, bunu “Neftçi”nin prezidenti Kamran Quliyev “Match TV”yə müsahibəsində deyib.

Futbol funksioneri Moskva “Spartak”ı ilə imzalanan əməkdaşlıq memorandumunun onlara geniş imkanlar qazandıracağını düşünür: “Biz bu məsələdə optimistik. Əməkdaşlıq təkcə dostluq görüşlərinin keçirilməsindən ibarət deyil. Fikrimcə, “Zenit”lə də eyni şəkildə işləyəcəyik. Ünsiyyət qurmaq, işləmək lazımdır. Məncə, “Zenit” və “Spartak”la yaxşı dostluq münasibətlərimiz olacaq”.

O, “Spartak”la daha bir yoxlama görüşünün keçiriləcəyini istisna etməyib: “Bu oyunu hələ açıqlamamışıq. Görək necə olacaq. “Spartak”ın yeni baş direktoru ilə əlaqə saxlayacağıq”.

Qeyd edək ki, “Otkrıtiye Bank Arena”da keçirilən “Spartak”la “Neftçi” arasında keçirilən yoxlama görüşündə Rusiya klubu 2:0 hesablı qələbə qazanıb.