Musa Qurbanlı Stokholma gedib, İsveç klubu hücumçunun keçidinə münasibət bildirib

İsveçin “Yurqarden” klubunun idman direktoru Bosse Andersson "Qarabağ"ın və Azərbaycan millisinin futbolçusu Musa Qurbanlının mümkün keçidinə münasibət bildirib.

"QELEBE.AZ"un məlumatına görə, funksioner "Varberq"ə 2:0 hesabı ilə qalib gəldikləri çempionatın XIII tur oyunundan sonra bu barədə "Football" telekanalına açıqlama verib.

Andersson 21 yaşlı forvardın həmin qarşılaşmanı "Tele2 Arena"da tribunadan izlədiyini söyləyib: "O, burada idi. Matça baxırdı. Bu isə o deməkdir ki, bizim danışığımız var. Musa haqqında yaxşı təəssürat yaranıb. Çox qol vuran, millidə və "Qarabağ" klubunda çıxış edən hücumçudur".

Qeyd edək ki, Musa Qurbanlı 2019-cu ildən "Qarabağ"ın əsas komandasındadır. Onun Stokholm təmsilçisi ilə üçillik müqavilə imzalayacağı gözlənilir.