Azərbaycanın iki cüdoçusu Avropa Kubokunda bürünc medal qazanıb

Azərbaycanın gənc qız cüdoçulardan ibarət milli komandası Litvanın Kaunas şəhərində keçirilən Avropa Kubokunda 2 medal qazanıb.

Azərbaycan Cüdo Federasiyasından (ACF) “QELEBE.AZ”a verilən məlumata görə, yığmanın iki üzvü yarışda bürünc mükafata yiyələnib.

Qızların mübarizəsində Leyla Dəmirova (48 kq) və Nigar Süleymanova (+78 kq) fəxri kürsüyə qalxıblar.

Digər cüdoçulardan Rita Əliyeva (52 kq), Pərvanə Abdullayeva (70 kq), Nərmin Əmirli (78 kq) 5-ci yeri, Gülnarə Bayramova və Nuray Quliyeva (hər ikisi 57 kq) 7-ci yeri tutublar.