Ən çox penalti təyin olunan çempionatlar: Azərbaycan Premyer Liqası 49-cudur

Beynəlxalq İdman Araşdırmalar Mərkəzi (CIES) ən çox penalti təyin olunan futbol çempionatlarının siyahısını açıqlayıb.

"Report" CIES-in rəsmi saytına istinadən xəbər verir ki, Azərbaycan Premyer Liqası 49-cu pillədə qərarlaşıb.

Çempionatda hər 291 dəqiqədən bir penalti təyin olunur. İlk "3-lük"də Misir (hər 172 dəqiqədə bir), Səudiyyə Ərəbistanı (178 dəqiqədə bir) və Rusiya liqaları (187 dəqiqədə bir) yer alıblar.

Ukrayna Premyer Liqası (197 dəqiqədən bir) 7-ci Türkiyə Super Liqası (214 dəqiqədən bir) 11-cidir.

Postsovet məkanı ölkələrindən Qazaxıstan (241 dəqiqədən bir) 24-cü, Belarus (288 dəqiqədən bir) 46-cı ola bilib.

Qeyd edək ki, 2020-ci il yanvarın 1-dən 2023-cü il aprelin 1-dək olan müddəti əhatə edən araşdırma 75 liqa üzərində aparılıb. Buraya bəzi ölkələrdən iki və ya üç çempionat da daxil edilib.