İsveçli futbolçu: “Azərbaycan yığmasına 3 qol vurmağım üçün 3-4 dəqiqə bəs edərdi”
https://mail.qelebe.az//uploads/photo/isvechli-futbolchu-azerbaycan-yigmasina-3-qol-vurmagim-uchun-3-4-deqiqe-bes-ederdi.webp
“Azərbaycan yığmasına 3 qol vurmağım üçün 3-4 dəqiqə bəs edərdi”.
“QELEBE.AZ” xəbər verir ki, bunu İsveç yığmasının futbolçusu Antoni Elanqa Azərbaycan millisini 5:0 hesabı ilə məğlub etdikləri AVRO-2024-ün seçmə mərhələ oyunu ilə bağlı danışarkən deyib.
İngiltərənin “Mançester Yunayted” klubunda çıxış edən 21 yaşlı hücumçu görüşdə son nöqtəni qoyaraq, millidə ilk qolunu vurduğu üçün xoşbəxt olduğunu bildirib: “Qol vurmaq həmişə xoşdur. Oyundan sonra, bütün həftəboyu özümü çox yaxşı hiss etdim. Cəmi 3-4 dəqiqə meydanda olsam da, nəyə qadir olduğumu göstərmək istəyirdim. Hələ daha iki qol vura bilərdim”.
Qeyd edək ki, Stokholmdakı matçın 87-ci dəqiqəsində meydana daxil olan Antoni Elanqa iki dəqiqə sonra fərqlənib.
