KİV: “Neftçi”nin baş məşqçisi Qətərdən təklif alıb

“Neftçi”nin baş məşqçisi Laurentsiu Regekampf Qətərdən təklif alıb.

“Report” xəbər verir ki, bu barədə məlumatı “digisport.ro” saytı yayıb.

Rumınların iddiasına görə, 48 yaşlı mütəxəssis Qətər klublarının diqqət mərkəzinə düşüb. Adıçəkilən ölkənin bir neçə komandası mövsümün sonunda onun keçidinə çalışacaq.

Ancaq bunun üçün ilk növbədə “Neftçi”nin razılığını almaq lazımdır. Çünki Regekampfın bakılılarla müqavilə müddəti 2024-cü ilin yayına qədərdir.

Qeyd edək ki, Regekampfın rəhbərlik etdiyi “Neftçi” hazırda Azərbaycan Premyer Liqasında üçüncü pillədə qərarlaşır.