Azərbaycanda oynamış futbolçu Ukrayna klubuna keçib

Azərbaycanda "Səbail" və "Sabah" komandalarının formalarını geyinmiş konqolu futbolçu Kevin Kubemba Ukraynanın "Çernomorets" klubuna keçib.

"QELEBE.AZ" Odessa təmsilçisinin rəsmi saytına istinadən xəbər verir ki, 29 yaşlı hücumçu ilə imzalanmış müqavilənin detalları açıqlanmayıb. Təcrübəli forvard Premyer Liqa klubuna azad agent kimi transfer olunub.

Hazırda "Çernomorets"ə "Qəbələ"nin sabiq baş məşqçisi Roman Qriqorçuk rəhbərlik edir.

Qeyd edək ki, Kevin Kubemba 2018-2019-cu illərdə "Səbail"in, 2019 - 2021-ci illərdə isə "Sabah"ın şərəfini qoruyub.