Dörd olimpiadanın iştirakçısı Bakıda seminar keçib
https://mail.qelebe.az//uploads/photo/dord-olimpiadanin-ishtirakchisi-bakida-seminar-kechib.webp
Gənclər və İdman Nazirliyində idman mütəxəssisləri üçün "İdmançılara psixoloji dəstək" mövzusunda seminar təşkil edilib.
Nazirlikdən "Report"a verilən məlumata görə, belaruslu mütəxəssis İrina Konon tərəfindən keçirilən tədbirə 20 federasiyanın nümayəndələri cəlb olunublar.
Seminarın əvvəlində qonağı və federasiya nümayəndələrini salamlayan gənclər və idman nazirinin müavini Mariana Vasileva bunun yerli mütəxəssislər üçün faydalı olacağına əmin olduğunu bildirib.
Qeyd edək ki, Belarusun Əməkdar Bədən Tərbiyəsi və İdman İşçisi olan İrina Konon Pekin, London, Rio de Janeyro və Tokio Yay Olimpiya Oyunlarında idmançılara psixoloji dəstək göstərib. Yüksək ixtisaslı idmançılar və məşqçilərlə 19 illik iş təcrübəsi var.
