"Araz-Naxçıvan" növbəti yoxlama matçını bu gün keçirəcək
https://mail.qelebe.az//uploads/photo/araz-naxchivan-novbeti-yoxlama-matchini-bu-gun-kechirecek.webp
Təlim-məşq toplanışını Türkiyənin Ərzurum şəhərində davam etdirən "Araz-Naxçıvan" klubu növbəti yoxlama matçını bu gün keçirəcək.
"Report" xəbər verir ki, komanda Türkiyə Superliqası təmsilçisi "Alanyaspor"la üz-üzə gələcək.
Qarşılaşma saat 17:00-da start götürəcək. Komanda Türkiyə toplanışı çərçivəsində daha əvvəl "Bayburtspor"la yoxlama matçı keçirib və 14:0 hesabı ilə qələbə qazanıb.
"Araz-Naxçıvan" iyulun 17-də “Trabzonspor”la qarşılaşacaq.
Qeyd edək ki, Elmar Baxşıyevin baş məşqçisi olduğu kollektiv UEFA Konfrans Liqasının II təsnifat mərhələsində "Aris"lə (Yunanıstan) üz-üzə gələcək. Komandalar arasında ilk görüş iyulun 24-də Bakıda, cavab matçı isə 31-də Salonikidə baş tutacaq.
