Azərbaycanın U-18 millisi Avropa çempionatında keçirdiyi beşinci oyunda qələbə qazanıb

Azərbaycanın basketbol üzrə qızlardan ibarət U-18 millisi ilk dəfə iştirak etdiyi Avropa çempionatının B divizionunda keçirdiyi beşinci oyunda qələbə qazanıb.

"QELEBE.AZ" xəbər verir ki, komanda C qrupundakı son matçında Kosovo yığmasını 62:54 hesabı ilə məğlub edib.

Bu nəticədən sonra komanda qrupu üçüncü sırada tamamlayıb.

Qeyd edək ki, milli ilk dəfə qatıldığı Avropa çempionatının B divizionunda 9-16-cı yerlər uğrunda mübarizə aparacaq. Yığma buna qədər qrupdakı matçlarda Bosniya və Herseqovina (83:81), İslandiya (86:79) üzərində qazanıb, Ukrayna (65:78) və Litvaya (31:82) isə uduzub.