"Real"ın hücumçusu "Arsenal"a keçməkdən imtina edib

İspaniya təmsilçisi "Real"ın (Madrid) hücumçusu Rodriqo İngiltərənin "Arsenal" klubuna keçməyəcək.

"QELEBE.AZ" "Football Insider"ə istinadən xəbər verir ki, braziliyalı futbolçu "Kral klubu"nun heyətində qalmağa üstünük verir.

Bir müddət əvvəl London kollektivi 24 yaşlı forvardı sıralarına cəlb etmək istəsə də, keçid baş tutmayacaq.

Ötən mövsüm kifayət qədər meydana çıxa bilməyən Rodriqo yeni baş məşqçi Xabi Alonsonun gəlişindən sonra forma geyinmək şansının artacağına ümid edir.

Qeyd edək ki, ötən mövsüm bütün turnirlərdə 51 oyuna çıxan Rodriqo 14 qola imza atıb.